ضبط کی حد سے بھی جس وقت گزر جاتا ہے
ضبط کی حد سے بھی جس وقت گزر جاتا ہے
درد ہونٹوں پہ ہنسی بن کے بکھر جاتا ہے
رنگ بھر جاتا ہے پھر عشق کے افسانے میں
اشک بن بن کے اگر خون جگر جاتا ہے
آج تک عالم وحشت میں پئے جاتے ہیں
کتنی مدت میں گھٹاؤں کا اثر جاتا ہے
جام پی لیتے ہیں سب دیکھنا ہے ظرف مگر
کون کس وقت اٹھا اور کدھر جاتا ہے
دور وحشت میں محبت میں جنوں میں انساں
جو نہ ممکن ہو کسی طور وہ کر جاتا ہے
اپنے بیگانوں سے کچھ بیش تھے آزاری میں
بات رہ جاتی ہے اور وقت گزر جاتا ہے
کتنا بے خوف ہو بے درد نہ کیوں ہو آخر
آئنہ دیکھ کے اعمال سے ڈر جاتا ہے
وقت کٹ جائے اگر عالم تنہائی میں
دل میں احساس ملاقات ہی مر جاتا ہے
وہ جو دنیا کی حقیقت کو سمجھ لے انساں
اپنی منزل کی طرف سینہ سپر جاتا ہے
عالم ناز میں کچھ بھی تو نہیں تیرے سوا
اک تصور ہے جو تا حد نظر جاتا ہے
سینکڑوں داغ چمکتے ہیں تہ قلب اے شوقؔ
کتنی گہرائی میں اف عکس اتر جاتا ہے
شوق مرادابادی 
(4161) ووٹ وصول ہوئے
Zabt Ki Had Se Bhi Jis Waqt Guzar Jata Hai In Urdu By Famous Poet Shoque Moradabadi. Zabt Ki Had Se Bhi Jis Waqt Guzar Jata Hai is written by Shoque Moradabadi. Enjoy reading Zabt Ki Had Se Bhi Jis Waqt Guzar Jata Hai Poem on Inspiration for Students, Youth, Girls and Boys by Shoque Moradabadi. Free Dowlonad Zabt Ki Had Se Bhi Jis Waqt Guzar Jata Hai by Shoque Moradabadi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends