جانے کیا بات ہے مانوس بہت لگتا ہے
جانے کیا بات ہے مانوس بہت لگتا ہے
یہ جو اک غیر سا اس بزم میں آ بیٹھا ہے
عمر بھر تو نے زمانے کا کہا مانا ہے
دل کی آواز بھی سن دیکھ تو کیا کہتا ہے
مل بھی جائے جو کوئی ناؤ تو اب کیا حاصل
اب تو دریا مرے دروازے پہ آ پہنچا ہے
اس نے دل جان کے چھیڑا اسے معلوم نہ تھا
میرے پہلو میں دہکتا ہوا انگارا ہے
میرا جی جانے ہے یا میرا خدا جانے ہے
کیا سنا ہے ترے اس شہر میں کیا دیکھا ہے
ہائے کیا دیدہ وری ہے کہ سحر دم یہ کھلا
جس کو ہم شمع سمجھتے رہے پروانہ ہے
کوئی روئے تو ہنسو کوئی ہنسے تو رؤو
آج کے دور میں جینے کا یہی رستہ ہے
میرے سینے میں خنک تیرگیاں چھوڑ گیا
ایک آئینہ کہ سورج کی طرح جلتا ہے
کوئی بستی نہ کوئی پیڑ نہ چشمہ کوئی
قافلہ عمر رواں کا یہ کہاں اترا ہے
جاہ و منصب کی ہوس ہو تو میں کافر شہرتؔ
میں سگ کوئے علی ہوں میرا کیا کہنا ہے
شہرت بخاری 
(644) ووٹ وصول ہوئے
In Urdu By Famous Poet Shohrat Bukhari. is written by Shohrat Bukhari. Enjoy reading Poem on Inspiration for Students, Youth, Girls and Boys by Shohrat Bukhari. Free Dowlonad by Shohrat Bukhari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends