سر تربت کہیں اک حسن کی تصویر دیکھی ہے
سر تربت کہیں اک حسن کی تصویر دیکھی ہے
ارے او مرنے والے یوں تری تقدیر دیکھی ہے
سلگتی آگ کے دریا کئے طے ڈوب کر میں نے
تڑپتی زندگی سے بازئ شمشیر دیکھی ہے
نہ بہلائیں مجھے اب جھوٹے وعدوں سے مرے رہبر
بہت کچھ آج تک ان کی رہ تدبیر دیکھی ہے
پہاڑوں کو ہلا دے منقلب کر دے زمانوں کو
نظر نے وہ صدائے حلقۂ زنجیر دیکھی ہے
بنا دے مجھ سے جیسے نابلد کو بھی جو اک شاعر
وہ میں نے حضرت مخمورؔ میں تاثیر دیکھی ہے
غریبی مفلسی بے چارگی غم کی ہراسانی
بانداز جلی ہر سمت یہ تحریر دیکھی ہے
جو آہن موم کر دے اور پتھر کو بھی پگھلا دے
جناب ضبطؔ کی باتوں میں وہ تاثیر دیکھی ہے
شیو چرن داس گوئل ضبط 
(661) ووٹ وصول ہوئے
In Urdu By Famous Poet Shiv Charan Das Goyal Zabt. is written by Shiv Charan Das Goyal Zabt. Enjoy reading Poem on Inspiration for Students, Youth, Girls and Boys by Shiv Charan Das Goyal Zabt. Free Dowlonad by Shiv Charan Das Goyal Zabt in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends