سوز الم سے دور ہوا جا رہا ہوں میں
سوز الم سے دور ہوا جا رہا ہوں میں
وہ تو جلا رہے ہیں بجھا جا رہا ہوں میں
مانوس التفات ہوا جا رہا ہوں میں
دیکھ اے نگاہ ناز مٹا جا رہا ہوں میں
جلووں کی تابشیں ہیں کہ اللہ کی پناہ
رنگیں تجلیوں میں گھرا جا رہا ہوں میں
یہ آتے جاتے ہے نگہ غیظ کس لئے
لے آج تیرے در سے اٹھا جا رہا ہوں میں
راہوں سے آشنا ہوں نہ منزل شناس ہوں
لے جا رہا ہے شوق چلا جا رہا ہوں میں
کیفیت اس نگاہ کی ہم دم بتاؤں کیا
اک موج ہے کہ جس میں بہا جا رہا ہوں میں
یا ابتدائے عشق میں غم میرے ساتھ تھا
یا غم کے ساتھ ساتھ چلا جا رہا ہوں میں
کیا چیز ہے نوید رہائی کہ ہم نفس
جیسے قفس سمیت اڑا جا رہا ہوں میں
میری تباہیوں پہ زمانے کو رشک ہے
تم تو مٹا رہے ہو بنا جا رہا ہوں میں
شعریؔ یہ کس نے آج نظر مجھ سے پھیر لی
اپنی نظر سے آپ گرا جا رہا ہوں میں
شعری بھوپالی 
(542) ووٹ وصول ہوئے
In Urdu By Famous Poet Sheri Bhopali. is written by Sheri Bhopali. Enjoy reading Poem on Inspiration for Students, Youth, Girls and Boys by Sheri Bhopali. Free Dowlonad by Sheri Bhopali in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends