کثرت وحدانیت میں حسن کی تنویر دیکھ
کثرت وحدانیت میں حسن کی تنویر دیکھ
دیدۂ حق بیں سے رنگ عالم تصویر دیکھ
اس قدر کھنچنا نہیں اچھا بت بے پیر دیکھ
پیار کی نظروں سے سوئے عاشق دلگیر دیکھ
غیر نے مجھ پر ستم ڈھائے ہیں ڈھالے آج تو
رہ نہ جائے کوئی بھی ترکش میں باقی تیر دیکھ
کام بن بن کر بگڑ جاتے ہیں لاکھوں رات دن
کس قدر ہے مجھ سے برگشتہ مری تقدیر دیکھ
پھر نہ یہ کہنا کہ خط لکھا ہے کس نے غیر کو
لے یہ ہے موجود تیرے ہاتھ کی تحریر دیکھ
ہارنا ہمت دلیل کامیابی سے ہے دور
کام لے تدبیر سے پھر خوبی تقدیر دیکھ
گنبد گردوں سنبھل اے گنبد گردوں سنبھل
کر نہ دے صد پاش تیر آہ پر تاثیر دیکھ
چار دن کی زندگی پر مشت خاک اتنا غرور
پیس دے گا ایک دن یہ آسمان پیر دیکھ
بے بلائے تو نہیں آیا تری محفل میں نازؔ
دیکھ ہاں ہاں دیکھ اپنے ہاتھ کی تحریر دیکھ
شیر سنگھ ناز دہلوی 
(624) ووٹ وصول ہوئے
In Urdu By Famous Poet Sher Singh Naaz Dehlvi. is written by Sher Singh Naaz Dehlvi. Enjoy reading Poem on Inspiration for Students, Youth, Girls and Boys by Sher Singh Naaz Dehlvi. Free Dowlonad by Sher Singh Naaz Dehlvi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends