وہ گنگناتے راستے خوابوں کے کیا ہوئے
وہ گنگناتے راستے خوابوں کے کیا ہوئے
ویرانہ کیوں ہیں بستیاں باشندے کیا ہوئے
وہ جاگتی جبینیں کہاں جا کے سو گئیں
وہ بولتے بدن جو سمٹتے تھے کیا ہوئے
جن سے اندھیری راتوں میں جل جاتے تھے دیے
کتنے حسین لوگ تھے کیا جانے کیا ہوئے
خاموش کیوں ہو کوئی تو بولو جواب دو
بستی میں چار چاند سے چہرے تھے کیا ہوئے
ہم سے وہ رت جگوں کی ادا کون لے گیا
کیوں وہ الاؤ بجھ گئے وہ قصے کیا ہوئے
ممکن ہے کٹ گئے ہوں وہ موسم کی دھار سے
ان پر پھدکتے شوخ پرندے تھے کیا ہوئے
کس نے مٹا دیے ہیں فصیلوں کے فاصلے
وابستہ جو تھے ہم سے وہ افسانے کیا ہوئے
کھمبوں پہ لا کے کس نے ستارے ٹکا دیے
دالان پوچھتے ہیں کہ دیوانے کیا ہوئے
اونچی عمارتیں تو بڑی شاندار ہیں
لیکن یہاں تو رین بسیرے تھے کیا ہوئے
شین کاف نظام 
(651) ووٹ وصول ہوئے
In Urdu By Famous Poet Sheen Kaaf Nizam. is written by Sheen Kaaf Nizam. Enjoy reading Poem on Inspiration for Students, Youth, Girls and Boys by Sheen Kaaf Nizam. Free Dowlonad by Sheen Kaaf Nizam in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends