شعور کیف و خوشی ہے ذرا ٹھہر جاؤ
شعور کیف و خوشی ہے ذرا ٹھہر جاؤ
وفور غم میں کمی ہے ذرا ٹھہر جاؤ
نتیجہ جہد مسلسل کا آگے کیا ہوگا
محل فکر یہی ہے ذرا ٹھہر جاؤ
کشاکش غم دوراں میں زندہ رہنے کی
تمہی سے داد ملی ہے ذرا ٹھہر جاؤ
یہ بات تم سے کوئی اور کہہ نہیں سکتا
یہ بات دل نے کہی ہے ذرا ٹھہر جاؤ
تمہارے جانے کے احساس نے جو بخشا ہے
وہ زخم تازہ ابھی ہے ذرا ٹھہر جاؤ
یہ رات صرف مہ و کہکشاں کی رات نہیں
یہ رات تم سے سجی ہے ذرا ٹھہر جاؤ
زباں کلام کی لذت سے کیوں رہے محروم
نظر نظر سے ملی ہے ذرا ٹھہر جاؤ
پھر اب نہ تم سے جو ہم مل سکے تو کیا ہوگا
حیات سوچ رہی ہے ذرا ٹھہر جاؤ
چمن سے دور نشیمن کی فکر کیا کہ ابھی
تڑپ کے برق گری ہے ذرا ٹھہر جاؤ
طلسم عیش تمہاری قسم نہیں ٹوٹا
فریب خواب وہی ہے ذرا ٹھہر جاؤ
علاج گردش ایام کے لیے شوکتؔ
تمام عمر پڑی ہے ذرا ٹھہر جاؤ
شوکت پردیسی 
(846) ووٹ وصول ہوئے
In Urdu By Famous Poet Shaukat Pardesi. is written by Shaukat Pardesi. Enjoy reading Poem on Inspiration for Students, Youth, Girls and Boys by Shaukat Pardesi. Free Dowlonad by Shaukat Pardesi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends