غم دیے ہیں تو مسرت کے گہر بھی دینا
غم دیے ہیں تو مسرت کے گہر بھی دینا
اے خدا تو مجھے جینے کا ہنر بھی دینا
حاکم وقت یہ ہجرت مجھے منظور مگر
دم رخصت مجھے سامان سفر بھی دینا
اے شب و روز کے مالک مجھے اس دنیا میں
لیلۃ القدر کی مانند سحر بھی دینا
سن ذرا غور سے سن اے شجر سایہ فگن
جب ترے سائے میں پہنچوں تو ثمر بھی دینا
لفظ نکلیں جو زباں سے تو دلوں تک پہنچیں
میری تقریر میں کچھ ایسا اثر بھی دینا
تیرے الطاف و کرم کی ہے بہر سو شہرت
مال و زر دے گا ہی تو لعل و گہر بھی دینا
تو جو شمشیر بکف ہو تو میں سر پیش کروں
جو ہیں دل والے انہیں آتا ہے سر بھی دینا
بخشنے والے زمانے کو جمال ہر رنگ
جو تجھے دیکھ سکے ایسی نظر بھی دینا
لے چلا میں تری جنت سے بیاباں کی طرف
سر چھپانے کو وہاں تو مجھے گھر بھی دینا
حرف آ جائے نہ تجھ پر کہیں کم ظرفی کا
دامن شمسؔ کو تو دیدۂ تر بھی دینا
شمس رمزی 
(599) ووٹ وصول ہوئے
In Urdu By Famous Poet Shams Ramzi. is written by Shams Ramzi. Enjoy reading Poem on Inspiration for Students, Youth, Girls and Boys by Shams Ramzi. Free Dowlonad by Shams Ramzi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends