وجود برق ضروری ہے گلستاں کے لئے
وجود برق ضروری ہے گلستاں کے لئے
پیام لاتی ہے تعمیر آشیاں کے لئے
ازل سے تا بہ قیامت سکوں نہیں ملتا
مرے نصیب کی گردش ہے آسماں کے لئے
یہ اور بات ہے پھولوں کا تنگ دامن ہے
بہاریں پھرتی ہیں بیتاب گلستاں کے لئے
نہ پوچھ حال دل زار ہم نشیں مجھ سے
کلیجہ چاہئے پتھر کا راز داں کے لئے
مرا اور ان کا تعلق ہے اس طرح جیسے
زباں دہن کے لئے ہے دہن زباں کے لئے
مری جبیں سے ترا آستاں نہ چھوٹے گا
کہ یہ بنی ہے ترے سنگ آستاں کے لئے
غضب ہوا انہیں تنکوں پہ گر پڑی بجلی
جنہیں سنبھال کے رکھا تھا آشیاں کے لئے
تری طلب میں پھراتا ہے مجھ کو دشت بہ دشت
وہ ذوق و شوق جو رہبر ہے کارواں کے لئے
خدا کے سامنے جانا پڑے گا خالی ہاتھ
کہ شمسؔ جمع نہ کر پائے کچھ وہاں کے لئے
شمس اٹاوی 
(443) ووٹ وصول ہوئے
In Urdu By Famous Poet Shams Itawi. is written by Shams Itawi. Enjoy reading Poem on Inspiration for Students, Youth, Girls and Boys by Shams Itawi. Free Dowlonad by Shams Itawi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends