طلسم سفر
ایک دہشت زدہ
نیم تاریک جنگل میں
عقل و خرد کی ضرورت نہیں
شاعری اور فکشن کی
پرچھائیوں کا میں پیچھا کروں
اور سپنے بنوں
ایسی عادت نہیں
نیم تاریک جنگل کے
لمبے سفر پہ جو نکلے ہو تم
تو سن لو
نیم تاریک جنگل میں چاروں طرف
ابوالہول سے واسطہ بھی پڑے گا تمہارا
کئی شکل میں
ورغلائیں گی تم کو چڑیلیں
اژدہوں کے علاقوں سے
گزرو گے تم
جسم نیلا بھی ہوگا تمہارا
مگر آنکھ کی پتلیوں میں
زندگی کا سویرا منور رہے گا
یہ الگ بات تم
رقص ابلیس کے دائرے میں رہو گے
نیم تاریک جنگل کے
سارے بھیانک درندوں سے تنہا
نہتے لڑو گے
تم نہ ہرگز ڈرو گے
استفادہ کرو گے مرے تجربوں سے
تو پاؤ گے منزل
سمندر کی موجیں
الجھتی ہیں برسوں بھنور سے
تو پاتی ہیں منزل
نیم تاریک جنگل
رقص ابلیس
کالی چڑیلیں
خوف زا جس قدر ہو
طلسم سفر
اس کو منزل کی معراج سمجھو
شمیم قاسمی 
(687) ووٹ وصول ہوئے
In Urdu By Famous Poet Shamim Qasmi. is written by Shamim Qasmi. Enjoy reading Poem on Inspiration for Students, Youth, Girls and Boys by Shamim Qasmi. Free Dowlonad by Shamim Qasmi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends