چمن لہک کے رہ گیا گھٹا مچل کے رہ گئی
چمن لہک کے رہ گیا گھٹا مچل کے رہ گئی
ترے بغیر زندگی کی رت بدل کے رہ گئی
خیال ان کے ساتھ ساتھ دیر تک چلا کیا
نظر تو ان کے ساتھ تھوڑی دور چل کے رہ گئی
وہ اک نگاہ مہرباں کا التفات مختصر
اندھیرے گھر میں جیسے کوئی شمع جل کے رہ گئی
کہاں چمن کی صبح میں چمن کا حسن نیم شب
کنول بکھر کے رہ گئے کلی مسل کے رہ گئی
جلائی تھی تو جو دو دلوں نے اک حسین رات میں
وہ شمع اب بھی ہے جواں وہ رات ڈھل کے رہ گئی
چمن کا پیار مل سکا نہ دشت کی بہار کو
کلی بکس کے رہ گئی صبا مچل کے رہ گئی
وہ میرا دل تھا جو پرائی آگ میں جلا کیا
وہ شمع تھی جو اپنی آنچ میں پگھل کے رہ گئی
ہر ایک جاں گداز غم کا ماحصل یہی رہا
کہ غم کے مشغلوں میں زندگی بہل کے رہ گئی
شمیمؔ ان کی اک جھلک بھی تا سحر نہ مل سکی
نگاہ شوق کروٹیں بدل بدل کے رہ گئی
شمیم کرہانی 
(793) ووٹ وصول ہوئے
In Urdu By Famous Poet Shamim Karhani. is written by Shamim Karhani. Enjoy reading Poem on Inspiration for Students, Youth, Girls and Boys by Shamim Karhani. Free Dowlonad by Shamim Karhani in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends