یہ دور اہل ہوس ہے کرم سے کام نہ لے
یہ دور اہل ہوس ہے کرم سے کام نہ لے
جفا سے کام لے ظالم وفا کا نام نہ لے
گلہ ستم کا نہیں مجھ کو صرف خوف یہ ہے
زمانہ تجھ سے کہیں میرا انتقام نہ لے
زمانہ اس کو مری یاد خود دلا دے گا
وہ لاکھ مجھ کو بھلا دے وہ میرا نام نہ لے
مزہ تو جب ہے کہ اے صبر و ضبط عشق اک دن
وہ خود سلام کرے جو مرا سلام نہ لے
نہ کر ذرا بھی توجہ خطائے دشمن پر
اک انتقام ہے یہ بھی کہ انتقام نہ لے
دل تباہ جو ہونا تھا وہ تو ہو ہی گیا
زمانہ کچھ بھی کہے تو تو ان کا نام نہ لے
وہ کیا نگاہ جو مرہون جام ہی رکھے
وہ ہاتھ کیا ہے جو گرتے ہوؤں کو تھام نہ لے
تری نگاہ سے پی لے جو ایک بار اے دوست
تمام عمر وہ پھر مے کشی کا نام نہ لے
اسی کے در پہ جھکائے رہیں گے سر کو شمیمؔ
یہ دیکھنا ہے وہ کب تک کرم سے کام نہ لے
شمیم جے پوری 
(920) ووٹ وصول ہوئے
In Urdu By Famous Poet Shamim Jaipuri. is written by Shamim Jaipuri. Enjoy reading Poem on Inspiration for Students, Youth, Girls and Boys by Shamim Jaipuri. Free Dowlonad by Shamim Jaipuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends