ذات کا گہرا اندھیرا ہے بکھر جا مجھ میں
ذات کا گہرا اندھیرا ہے بکھر جا مجھ میں
ڈوبتی شام کے سورج تو اتر جا مجھ میں
ابن آدم ہوں میں شہزادۂ تعمیر حیات
تو جو بگڑا ہو تو اے وقت سنور جا مجھ میں
پھر سے اک شکل نئی تجھ کو عطا کر دوں گا
اے مری زیست کسی روز تو مر جا مجھ میں
آئے اور بیت گئے کتنے ہی ساون لیکن
کوئی جذبہ کوئی بادل نہیں گرجا مجھ میں
سخت جانی پہ مری کرتی ہے دنیا حیرت
زندگی اپنا کوئی زہر ہی بھر جا مجھ میں
تیری پیراہن الفاظ سے تزئین کروں
اے مرے کرب ذرا دیر ٹھہر جا مجھ میں
روح کا دشت ہوں صحرائے تخیل ہوں میں
ہر طرف ایک اداسی ہے گزر جا مجھ میں
یہ صدائے پس انفاس کا پردہ کب تک
تو کہیں ہے تو تڑپ اور ابھر جا مجھ میں
رنگ ہوں گیت ہوں نغمہ ہوں میں خوشبو ہوں شکیلؔ
زیست ہی زیست ہے بکھری ہوئی ہر جا مجھ میں
شکیل مظہری 
(561) ووٹ وصول ہوئے
In Urdu By Famous Poet Shakeel Mazhari. is written by Shakeel Mazhari. Enjoy reading Poem on Inspiration for Students, Youth, Girls and Boys by Shakeel Mazhari. Free Dowlonad by Shakeel Mazhari in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends