ہم ہیں اور ان کی خوشی ہے آج کل
ہم ہیں اور ان کی خوشی ہے آج کل
زندگی ہی زندگی ہے آج کل
غم کا ہر عالم نیا ہے ان دنوں
دل کی ہر دنیا نئی ہے آج کل
ان کا ذکر ان کی تمنا ان کی یاد
وقت کتنا قیمتی ہے آج کل
چاند بھی ہے سوگوار ہجر دوست
پھیکی پھیکی چاندنی ہے آج کل
جل رہی ہے دل میں شمع آرزو
غم کدے میں روشنی ہے آج کل
تو ہے اور دریا دلی ہے ساقیا
میں ہوں اور تشنہ لبی ہے آج کل
بے قراری کروٹوں پر کروٹیں
دل کا عالم دیدنی ہے آج کل
عرض غم پر مسکراتے بھی نہیں
برہمی سی برہمی ہے آج کل
حاصل ترک محبت دیکھنا
انجمن سونی پڑی ہے آج کل
دل میں اور مایوسیوں میں اے شکیلؔ
اتحاد باہمی ہے آج کل
شکیل بدایونی 
(606) ووٹ وصول ہوئے
In Urdu By Famous Poet Shakeel Badayuni. is written by Shakeel Badayuni. Enjoy reading Poem on Inspiration for Students, Youth, Girls and Boys by Shakeel Badayuni. Free Dowlonad by Shakeel Badayuni in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends