جنون عشق کی آمادگی نے کچھ نہ دیا
جنون عشق کی آمادگی نے کچھ نہ دیا
یہاں بھی زیست کی افتادگی نے کچھ نہ دیا
لہو کی موج سے بام خیال روشن ہے
دمکتے چاند کی استادگی نے کچھ نہ دیا
یہ لب تمہارے نہیں کر سکے مسیحائی
انہیں بھی وقفۂ واماندگی نے کچھ نہ دیا
سمیٹ لائے تھے جتنے بھی خواب تھے لیکن
حضور دوست بھی دیوانگی نے کچھ نہ دیا
میں دیکھتی تھی ترے خال و خد کو حیرت سے
مگر یہ کیا کہ مری سادگی نے کچھ نہ دیا
تمہاری جیب بھی خالی تمہارے دل کی طرح
تمہیں بھی فرصت یک بارگی نے کچھ نہ دیا
دئیے کے نور میں کرتے رہے سفر سارے
وہ جن کو نسبت سیارگی نے کچھ نہ دیا
بھٹک رہے ہیں کسی اجنبی مسافت میں
مہہ و نجوم کو آوارگی نے کچھ نہ دیا
وہ لوگ کون ہیں جن کو خدا نصیب ہوا
ہمیں تو دل تری نظارگی نے کچھ نہ دیا
یہ آنکھ آج بھی در پر لگی ہوئی ہے سحرؔ
تمام عمر کی بے چارگی نے کچھ نہ دیا
شائستہ سحر 
(603) ووٹ وصول ہوئے
In Urdu By Famous Poet Shaista Sahar. is written by Shaista Sahar. Enjoy reading Poem on Inspiration for Students, Youth, Girls and Boys by Shaista Sahar. Free Dowlonad by Shaista Sahar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends