تیری ہر اک بات ہے نشتر نہ چھیڑ
تیری ہر اک بات ہے نشتر نہ چھیڑ
پکا پھوڑا ہوں میں اے دل بر نہ چھیڑ
میں اگر رویا تو کیا ہاتھ آئے گا
اشک کے قطرے نہیں گوہر نہ چھیڑ
منہ سے کہہ بیٹھیں گے جو ہو جائے گا
ہم سڑے سودائیوں سے ڈر نہ چھیڑ
تیرے قدموں سے لگا ہوں رحم کر
ٹھوکروں سے او بت خود سر نہ چھیڑ
شیشۂ دل چور ہو جائے گا یار
ہے کلام سخت بھی پتھر نہ چھیڑ
خوف کر ہم دل جلوں کی آہ سے
چھیڑنا ہم کو نہیں بہتر نہ چھیڑ
بھڑ کا چھتا ہے دل سوراخ دار
اس کی آہیں طیش ہیں دلبر نہ چھیڑ
دست نازک کو نہ پہنچے کوئی رنج
جھاڑ کانٹوں کا ہوں میں لاغر نہ چھیڑ
بے مزا باتوں سے دل اکتا گیا
چھیڑے سے اب دم ہے ہونٹوں پر نہ چھیڑ
بوئے خوں آتی ہے اس تقریر سے
ذکر غیروں کا مرے منہ پر نہ چھیڑ
وے کہ روئے گا ہنسی اچھی نہیں
چھیڑ میں کچھ ہو نہ جائے شر نہ چھیڑ
تیری آہیں یار کو ناساز ہیں
ساز اپنا اے دل مضطر نہ چھیڑ
حشر برپا کر کے لیٹا ہوں ابھی
سونے دے او فتنۂ محشر نہ چھیڑ
کہہ وہ مشاطہ سے افعی ہے وہ زلف
اس کے کاٹے کا نہیں منتر نہ چھیڑ
روئے گا ڈاڑھی کو ڈاڑھیں مار کر
محتسب رندوں کو منہ چڑھ کر نہ چھیڑ
خوش نہ ہوگا کوئی سوتا چونک کر
بحرؔ تو غافل کو سمجھا کر نہ چھیڑ
امداد علی بحر 
(926) ووٹ وصول ہوئے
Teri Har Ek Baat Hai Nashtar Na ChheD In Urdu By Famous Poet Imdad Ali Bahr. Teri Har Ek Baat Hai Nashtar Na ChheD is written by Imdad Ali Bahr. Enjoy reading Teri Har Ek Baat Hai Nashtar Na ChheD Poem on Inspiration for Students, Youth, Girls and Boys by Imdad Ali Bahr. Free Dowlonad Teri Har Ek Baat Hai Nashtar Na ChheD by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends