سینہ کوبی کر چکے غم کر چکے
سینہ کوبی کر چکے غم کر چکے
جیتے جی ہم اپنا ماتم کر چکے
دیکھیے ملتے ہیں کس دن یار سے
عید بھی کر لیں محرم کر چکے
دھیان ان آنکھوں کا جانے کا نہیں
یہ ہرن پالے ہوئے رم کر چکے
دل لگا کر دکھ اٹھائے بے شمار
دم شماری بھی کوئی دم کر چکے
اب تو زلفوں کو نہ رکھو فرد فرد
دفتر عالم کو برہم کر چکے
واعظو جو چاہو فرماؤ ہمیں
بیعت پیر مغاں ہم کر چکے
بحرؔ مستغنی ہیں فکر و شعر سے
گوہر معنی فراہم کر چکے
امداد علی بحر 
(908) ووٹ وصول ہوئے
Sina-kubi Kar Chuke Gham Kar Chuke In Urdu By Famous Poet Imdad Ali Bahr. Sina-kubi Kar Chuke Gham Kar Chuke is written by Imdad Ali Bahr. Enjoy reading Sina-kubi Kar Chuke Gham Kar Chuke Poem on Inspiration for Students, Youth, Girls and Boys by Imdad Ali Bahr. Free Dowlonad Sina-kubi Kar Chuke Gham Kar Chuke by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends