نفس سرکش کو قتل کر اے دل
نفس سرکش کو قتل کر اے دل
مستعد ہو جہاد پر اے دل
نہ پھلے گی تجارت دنیا
ہے یہاں نفع میں ضرر اے دل
تیرے کردار پر ہیں شاہد حال
خشک لب اور چشم تر اے دل
نہ رو الفت نہ ہاتھ سے جائے
کھیل جا اپنی جان پر اے دل
چاہیے بے محل نہ ٹپکے اشک
ابروؤں پر رہے نظر اے دل
بے خودی میں نکل چلا ہے کدھر
بھول جانا نہ اپنا گھر اے دل
کوئے جاناں ہے مقتل عشاق
لے چلا ہے مجھے کدھر اے دل
جان جانی ہے تجھ کو ہوش نہیں
تو بھی کتنا ہے بے خبر اے دل
عشق بازی ہے آبرو ریزی
اپنے فعلوں سے درگزر اے دل
کیوں نکل کر ذلیل ہوتی ہے
تیری فریاد بے اثر اے دل
دھیان آٹھوں پہر اسی کا ہے
کبھی اپنی بھی لی خبر اے دل
عشق کے معرکے میں مار قدم
فتح ہے تیرے نام پر اے دل
اشک ہو کر بہا کہ خون ہوا
کیا ہوئی حالت جگر اے دل
غم عالم ہے تیرے حصے میں
تو بھی کیا ہے نصیب ور اے دل
تو اگر آگ ہے وہ پانی ہے
بحرؔ کے شر سے خوف کر اے دل
امداد علی بحر 
(1101) ووٹ وصول ہوئے
Nafs-e-sarkash Ko Qatl Kar Ai Dil In Urdu By Famous Poet Imdad Ali Bahr. Nafs-e-sarkash Ko Qatl Kar Ai Dil is written by Imdad Ali Bahr. Enjoy reading Nafs-e-sarkash Ko Qatl Kar Ai Dil Poem on Inspiration for Students, Youth, Girls and Boys by Imdad Ali Bahr. Free Dowlonad Nafs-e-sarkash Ko Qatl Kar Ai Dil by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends