میں اس بت کا وصل اے خدا چاہتا ہوں
میں اس بت کا وصل اے خدا چاہتا ہوں
مرض عشق کا ہے دوا چاہتا ہوں
بیان ملاحت کیا چاہتا ہوں
سخن میں نمک کا مزا چاہتا ہوں
نہ دیکھوں میں اس گل کے پہلو میں کانٹا
اڑے غیر ایسی ہوا چاہتا ہوں
مجھے تسمہ بندی ہو اے زلف پیچاں
فقیر آج کل میں ہوا چاہتا ہوں
لگی بے طرح ہے خدا ہی بچائے
سلگتا ہے دل میں جلا چاہتا ہوں
بہت کروٹیں لیں نہیں نیند آتی
بغل میں کوئی دل ربا چاہتا ہوں
محبت میں یہ عقل زائل ہوئی ہے
کہ اہل دغا سے وفا چاہتا ہوں
کھلے حال بیمار چشم سخن گو
اشاروں میں باتیں کیا چاہتا ہوں
برا مان جاؤ گے منہ پھیر لو گے
نہ پوچھو قسم دے کے کیا چاہتا ہوں
نگاہیں الجھتی ہیں زلفوں میں بے ڈھب
ان آنکھوں کے ہاتھوں پھنسا چاہتا ہوں
مہ نو کے مصرع میں مصرع لگاؤں
میں اتنی طبیعت رسا چاہتا ہوں
ہوئے چارہ جو کب مریض محبت
خدا موت دے جو شفا چاہتا ہوں
وہی دشمن جاں ہے اے بحرؔ میرا
جسے جان سے میں سوا چاہتا ہوں
امداد علی بحر 
(901) ووٹ وصول ہوئے
Main Us But Ka Wasl Ai KHuda Chahta Hun In Urdu By Famous Poet Imdad Ali Bahr. Main Us But Ka Wasl Ai KHuda Chahta Hun is written by Imdad Ali Bahr. Enjoy reading Main Us But Ka Wasl Ai KHuda Chahta Hun Poem on Inspiration for Students, Youth, Girls and Boys by Imdad Ali Bahr. Free Dowlonad Main Us But Ka Wasl Ai KHuda Chahta Hun by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends