خورشید رخوں کا سامنا ہے
خورشید رخوں کا سامنا ہے
شبنم صفت آبرو ہوا ہے
دل زخمیٔ عشق ہے سزا ہے
بھر دوں جو نمک تو پھر مزا ہے
اب تو دل اس پر آ گیا ہے
اچھا ہے برا ہے یا بھلا ہے
بین العد میں آدمی ہے
دنیا ایک بیچ کی سرا ہے
ایسی ہے ملاحت اس کے منہ پر
رخسار کا سبزہ لو نیا ہے
اکسیر ہے دل کی خاکساری
کشتہ ہو جو نفس کیمیا ہے
منعم نہ کر اعتبار دولت
اقبال کا قلب لا بقا ہے
وہ دل نہ رہا جا ناز اٹھاؤں
میں بھی ہوں خفا جو وہ خفا ہے
کم ہے جو ستم ہو تجھ پر اے دل
بے رحم سے اور مل سزا ہے
دل تم کو تو پھر کسی دن
پیار کوئی تم سے بھی سوا ہے
اچھی نہیں یہ خلش رقیبو
کانٹے بو کر کوئی پھلا ہے
ہم دیکھیں مزے رقیب لوٹے
یوں اس سے بھی تو کیا مزا ہے
دم سینے سے کیوں نہیں نکلتا
کیا جسم نزار خار پا ہے
دولت سے کبھی نہ سیر ہوں گے
شاہوں کو فقیر کی دعا ہے
چھپتا نہیں کوئی اپنے دل میں
آنکھوں میں وہی کھٹک رہا ہے
اس رنج میں بھی نباہ دیں گے
اپنا ابھی اتنا حوصلہ ہے
اے بحرؔ غزل کہی جو تم نے
یہ طرز کلام میرؔ کا ہے
امداد علی بحر 
(871) ووٹ وصول ہوئے
KHurshid-ruKHon Ka Samna Hai In Urdu By Famous Poet Imdad Ali Bahr. KHurshid-ruKHon Ka Samna Hai is written by Imdad Ali Bahr. Enjoy reading KHurshid-ruKHon Ka Samna Hai Poem on Inspiration for Students, Youth, Girls and Boys by Imdad Ali Bahr. Free Dowlonad KHurshid-ruKHon Ka Samna Hai by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends