خورشید فراق میں تپاں ہے
خورشید فراق میں تپاں ہے
اے ذرہ نواز تو کہاں ہے
کیوں روتے ہیں دیکھ دیکھ کر ہم
یہ زلف سیہ ہے یا دھواں ہے
منہ دیکھ رہا ہوں اور چپ ہوں
کیا بات کروں وہ بد زباں ہے
اب منت باغباں عبث ہے
پت جھڑ کے دن آ گئے خزاں ہے
گلزار نہیں مقام عشرت
بلبل پہ جفائے باغباں ہے
گل کو بھی ہی کچھ غم نہاں نے
غنچے کی چٹک نہیں فغاں ہے
گردوں نے ہی سب کو مار رکھا
جو زندہ بھی ہے وہ نیم جاں ہے
یہ کاہکشاں نہیں سروں پر
کھینچے ہوئے تیغ آسماں ہے
کیا قیس سے ملتفت ہو لیلیٰ
ننگا ہے وہ ننگ خانداں ہے
پروانے سے شمع کیا چھپے گی
میں بھی پوچھوں گا تو جہاں ہے
دیکھا اے بحرؔ تیرا دیوان
اک دفتر حال عاشقاں ہے
امداد علی بحر 
(837) ووٹ وصول ہوئے
KHurshid Firaq Mein Tapan Hai In Urdu By Famous Poet Imdad Ali Bahr. KHurshid Firaq Mein Tapan Hai is written by Imdad Ali Bahr. Enjoy reading KHurshid Firaq Mein Tapan Hai Poem on Inspiration for Students, Youth, Girls and Boys by Imdad Ali Bahr. Free Dowlonad KHurshid Firaq Mein Tapan Hai by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends