جذب الفت نے دکھایا اثر اپنا الٹا
جذب الفت نے دکھایا اثر اپنا الٹا
آہ جب ہونٹھوں پر آئی تو کلیجہ الٹا
رات بھر بیٹھے رہے منتظری میں اس کی
صبح جب ہو گئی حسرت سے بچھونا الٹا
حق بہ جانب ہے اگر ہم سے وہ مہوش پھر جائے
چلن افلاک کا اوندھا ہے زمانا الٹا
جائے حیرت ہے جو نفرت نہ ہو خود بینی سے
نظر آتا ہے اس آئینے میں چہرا الٹا
زینت رنگ بقا چاہتے ہیں نقش فنا
اس مرقع کا دکھائی دیا نقشہ الٹا
ملگجی چادر مہتاب نظر آنے لگی
اس نے چہرے سے جو سوتے میں دوپٹا الٹا
اب تو یاروں سے بھی یاری کی توقع نہ رہی
حال پرسی کے عوض کرتے ہیں شکوا الٹا
قفل دروازے میں کیوں آج نظر آتا ہے
کون جھانکا تمہیں کس شخص نے پردا الٹا
مر گیا میں جو مجھے پیار سے مارا اس نے
سیدھی تلوار ہوا اس کا طمانچہ الٹا
مے کدہ چھوڑ کے کیوں خم میں فلاطوں بیٹھا
ایسی ہی عقل نے یونان کا تختہ الٹا
مرض عشق میں آرام کسی طور نہیں
کبھی سیدھا جو دم آیا تو کلیجہ الٹا
پھر الٹ کر نہ خبر لی ہوئے ایسے غافل
اب تو آؤ کہ میں دم لیتا ہوں الٹا الٹا
نہ تو وہ پھول نہ کلیاں نہ وہ سبزہ نہ بہار
رت کی پھرتی ہے چمن زار کا تختہ الٹا
ایک جلوہ تو بھلا اور بھی وقت رخصت
بہر گل باد بہاری کوئی جھونکا الٹا
بحرؔ کیا کوچۂ جاناں سے پھرے گھر کی طرف
کبھی دیکھا نہیں بہتے ہوئے دریا الٹا
امداد علی بحر 
(845) ووٹ وصول ہوئے
Jazb-e-ulfat Ne Dikhaya Asar Apna UlTa In Urdu By Famous Poet Imdad Ali Bahr. Jazb-e-ulfat Ne Dikhaya Asar Apna UlTa is written by Imdad Ali Bahr. Enjoy reading Jazb-e-ulfat Ne Dikhaya Asar Apna UlTa Poem on Inspiration for Students, Youth, Girls and Boys by Imdad Ali Bahr. Free Dowlonad Jazb-e-ulfat Ne Dikhaya Asar Apna UlTa by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends