جب کہ سر پر وبال آتا ہے
جب کہ سر پر وبال آتا ہے
پیچ میں بال بال آتا ہے
کب پیام وصال آتا ہے
خواب ہے جو خیال آتا ہے
تیغ عرفاں سے روح بسمل ہے
حال پر اپنے حال آتا ہے
شل ہے ہر چند پنچۂ مژگاں
پر کلیجا نکال آتا ہے
کیا عجب عشق ہو جو پیری میں
دودھ میں بھی ابال آتا ہے
خوب چلتی ہے ناؤ کاغذ کی
گھر میں قاضی کے مال آتا ہے
ڈھیر ہے دل میں اب کدورت کا
مٹی لینے کلال آتا ہے
چل نکلتی ہے کشتی اعمال
عرق انفعال آتا ہے
ہجر کے دن یوں ہی گزرتے ہیں
ماہ جاتے ہیں سال آتا ہے
تیرے آنکھوں کے سامنے صیاد
ذبح ہونے غزال آتا ہے
جس نے اس کی گلی میں پھل پایا
کھا کے پتھر نہال آتا ہے
سر کٹا کر شہید ہوتے ہیں
عمر کھو کر کمال آتا ہے
نہ ملے گا سوا مقدر سے
جہل ہے جا ملال آتا ہے
بہر زر گل ہے پلۂ میزاں
تل کے کانٹے پہ مال آتا ہے
بحرؔ کی سن کے عارفانہ غزل
شاہ دریا کو حال آتا ہے
امداد علی بحر 
(939) ووٹ وصول ہوئے
Jab Ki Sar Par Wabaal Aata Hai In Urdu By Famous Poet Imdad Ali Bahr. Jab Ki Sar Par Wabaal Aata Hai is written by Imdad Ali Bahr. Enjoy reading Jab Ki Sar Par Wabaal Aata Hai Poem on Inspiration for Students, Youth, Girls and Boys by Imdad Ali Bahr. Free Dowlonad Jab Ki Sar Par Wabaal Aata Hai by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends