ایفائے وعدہ آپ سے اے یار ہو چکا
ایفائے وعدہ آپ سے اے یار ہو چکا
اس کا تو امتحان کئی بار ہو چکا
احباب ہاتھ اٹھائیں ہمارے علاج سے
صحت پذیر عشق کا بیمار ہو چکا
وہ بے حساب بخش دے یہ بات اور ہے
اپنے حساب میں تو گنہ گار ہو چکا
میں ہاتھ جوڑتا ہوں بڑی دیر سے حضور
لگ جائیے گلے سے اب انکار ہو چکا
بیچوں کہاں میں اپنے دل داغدار کو
سودا برا پسند خریدار ہو چکا
پیری میں پرورش ہے عبث جسم زار کی
پھینکوں کسی گھڑی میں یہ بیکار ہو چکا
برہم وہ شوخ کیوں نہ ہو کیوں زلف کو چھوا
یہ ہاتھ ہتھکڑی کے سزاوار ہو چکا
اب مجھ سے التیام کی باتیں نہ کیجیے
دل تم سے پھٹ گیا جگر افگار ہو چکا
مجھ دل فگار کو نہ رہی تم سے کچھ امید
یہ خط سبز مرہم زنگار ہو چکا
دربان کو سلام کریں گھر کی راہ لیں
وہ منہ چھپا کے بیٹھے ہیں دیدار ہو چکا
بندے کے حال پر نظر پرورش رہے
حسن ملیح کا میں نمک خوار ہو چکا
لوں بوسہ خوں بہا میں اس ابرو کمان سے
اب تو جگر سے تیر نگہ پار ہو چکا
اے بحرؔ اب تو بات بھی کرتا نہیں وہ شوخ
وہ رسم و راہ ہو چکی وہ پیار ہو چکا
امداد علی بحر 
(929) ووٹ وصول ہوئے
Ifa-e-wada Aap Se Ai Yar Ho Chuka In Urdu By Famous Poet Imdad Ali Bahr. Ifa-e-wada Aap Se Ai Yar Ho Chuka is written by Imdad Ali Bahr. Enjoy reading Ifa-e-wada Aap Se Ai Yar Ho Chuka Poem on Inspiration for Students, Youth, Girls and Boys by Imdad Ali Bahr. Free Dowlonad Ifa-e-wada Aap Se Ai Yar Ho Chuka by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends