ہم ناقصوں کے دور میں کامل ہوئے تو کیا
ہم ناقصوں کے دور میں کامل ہوئے تو کیا
اجڑے ہوئے علاقے کے عامل ہوئے تو کیا
ہم کو تو افتخار ہے پیغام یار پر
جبریل آسمان سے نازل ہوئے تو کیا
مدت سے پھر رہی ہے چھری جان زار پر
ہم آج تیغ یار سے بسمل ہوئے تو کیا
داغوں میں اس کے داغ محبت کی بو کہاں
لالے کے پھول ہم سے مقابل ہوئے تو کیا
راحت نصیب ہم کو ہوئی رحمت اے کریم
ٹکرا کے سر بہشت میں داخل ہوئے تو کیا
پھولوں میں زر لٹا نہ گل سرخ کا کبھی
بے فیض لوگ رونق محفل ہوئے تو کیا
اس کی صفت یہی ہے کہ بے مانگے دی مراد
درگاہ میں کریم کے سائل ہوئے تو کیا
آسان ہیں جو ناخن تقدیر تیز ہے
مطلب ہمارے عقدۂ مشکل ہوئے تو کیا
مردوں کو زندہ کیجیے نام آوری یہ ہے
عیسیٰ بناؤ آپ کو قاتل ہوئے تو کیا
ہر دم چراغ دل کی ادھر لو لگی رہے
ہم اپنی یادگار سے غافل ہوئے تو کیا
ہوگا نہ ایک رنگ خزان و بہار کا
بوڑھے اگر جوانوں کے شامل ہوئے تو کیا
اپنے مآل کار سے جب بے خبر ہوئے
حافظ ہوئے تو خاک جو فاصل ہوئے تو کیا
تن سے مفارقت نہیں کرتی تب فراق
تعویذ بھی گلے میں حمائل ہوئے تو کیا
اے بحرؔ باغبان کی منت بلا کرے
دو چار پھول باغ سے حاصل ہوئے تو کیا
امداد علی بحر 
(950) ووٹ وصول ہوئے
Hum Na-qishon Ke Daur Mein Kaamil Hue To Kya In Urdu By Famous Poet Imdad Ali Bahr. Hum Na-qishon Ke Daur Mein Kaamil Hue To Kya is written by Imdad Ali Bahr. Enjoy reading Hum Na-qishon Ke Daur Mein Kaamil Hue To Kya Poem on Inspiration for Students, Youth, Girls and Boys by Imdad Ali Bahr. Free Dowlonad Hum Na-qishon Ke Daur Mein Kaamil Hue To Kya by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends