ہر طرف مجمع عاشقاں ہے
ہر طرف مجمع عاشقاں ہے
تیرے دم کا یہ سارا سماں ہے
اتنا مغرور کیوں باغباں ہے
یہ چمن چار دن میں خزاں ہے
عشق میں بے خبر ہو گیا ہوں
کس سے پوچھوں مرا دل کہاں ہے
کچھ نہیں سوجھتی سیر گلشن
میری آنکھوں سے وہ گل نہاں ہے
دھیان آٹھوں پہر ہے اسی کا
میں یہاں ہوں مرا دل وہاں ہے
سینے پر رکھ کے سوتا ہوں اس کو
اس کی تصویر آرام جاں ہے
آنسو بہنے لگے دیکھتے ہی
زلف محبوب ہے یا دھواں ہے
جان پروانہ ہے اس پری پر
شمع سوزاں ہر اک استخواں ہے
بے مروت ہے وہ بے وفا ہے
ساری محنت مری رائیگاں ہے
کیا تڑپتے گزرتے ہی اپنے
درد دل میں ہے لب پر فغاں ہے
ہجر میں کیوں نہیں موت آتی
ہائے کیا داغ دل مرض جاں ہے
ڈھونڈھتا ہوں میں یوسف کو اپنے
خاک میرے پس کارواں ہے
جام مل ہاتھ میں وہ بغل میں
بحرؔ اپنی یہ قسمت کہاں ہے
امداد علی بحر 
(881) ووٹ وصول ہوئے
Har Taraf Majma-e-ashiqan Hai In Urdu By Famous Poet Imdad Ali Bahr. Har Taraf Majma-e-ashiqan Hai is written by Imdad Ali Bahr. Enjoy reading Har Taraf Majma-e-ashiqan Hai Poem on Inspiration for Students, Youth, Girls and Boys by Imdad Ali Bahr. Free Dowlonad Har Taraf Majma-e-ashiqan Hai by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends