فرقت کی آفت برے دن کاٹنا سال ہے
فرقت کی آفت برے دن کاٹنا سال ہے
یہ ہاتھ ہے سو کرے یہ سینہ گھڑیال ہے
روتا ہوں شام و سحر ٹکڑے ہے غم سے جگر
بے درد کچھ رحم کر میرا برا حال ہے
بے چین کہاں دل ساماں یعقوب کا ہے مقال
جنس وفا کا ہے کال کنعان میں ہٹ تال ہے
ریشم کے لچھے ہیں بال مخمل کے ٹکڑے ہیں گال
ہے یہ نزاکت کا حال پتلی کمر بال ہے
عاشق بچے تا بہ کی کالی بلا ہے یہ شے
کاکل کا جو حلقہ ہے موذی کا چنگال ہے
کیوں آئے ہم اے پری ہلچل میں ہے زندگی
آفت ہے تیرے گلے آندھی ہے بھونچال ہے
پھولوں میں رنگت نہ بو سبزے کو کوڑا کہو
پائے خزاں قطع ہو گلزار پائمال ہے
دل نظر جس نے کیا ٹھکرا کے اس نے کہا
لیتی ہے میری بلا درگور کیا مال ہے
ہر دم نہ دیکھ اس کے بال سر پر نہ لے یہ وبال
جی کو بلا میں نہ ڈال اے دل یہ جنجال ہے
رفتار کہیے اسے دل ہر قدم پر پسے
پوچھے کوئی کبک سے صدقے عجب چال ہے
کیا کہیے کیا غم سہا دن رات روتا رہا
دل خون ہو کر بہا رنگین رومال ہے
عشاق کا ہے یہ حال دن رات ہے حال قال
آہ و فغاں ہے خیال سینہ زنی تال ہے
صوت جفا کیش ہے عاشق جگر ریش ہے
ابرو ہے یا نیش ہے بچھو ہے یا خال ہے
ہے کچھ نہ کچھ تو بجوگ ناحق نہیں ہے یہ بروگ
کیسا لگا جی کو روگ اے بحرؔ کیا حال ہے
امداد علی بحر 
(1092) ووٹ وصول ہوئے
Furqat Ki Aafat Bure Din KaTna Sal Hai In Urdu By Famous Poet Imdad Ali Bahr. Furqat Ki Aafat Bure Din KaTna Sal Hai is written by Imdad Ali Bahr. Enjoy reading Furqat Ki Aafat Bure Din KaTna Sal Hai Poem on Inspiration for Students, Youth, Girls and Boys by Imdad Ali Bahr. Free Dowlonad Furqat Ki Aafat Bure Din KaTna Sal Hai by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends