دم مرگ بالیں پر آیا تو ہوتا
دم مرگ بالیں پر آیا تو ہوتا
مرے منہ میں پانی چوایا تو ہوتا
یہ سچ ہے وفادار کوئی نہیں ہے
کسی دن مجھے آزمایا تو ہوتا
تسلی نہ دیتا تشفی نہ کرتا
مرے رونے پر مسکرایا تو ہوتا
مجھے اپنی فرقت سے مارا تو مارا
دم نزع مکھڑا دکھایا تو ہوتا
غلط ہے کہ مردہ نہیں زندہ ہوتا
تو میرے جنازے پر آیا تو ہوتا
وہیں چونک اٹھتا میں خواب لحد سے
مرا شانہ تو نے ہلایا تو ہوتا
ہوا عید کے دن میں قربان تجھ پر
بلا کر گلے سے لگایا تو ہوتا
مرے قتل پر تم نے بیڑا اٹھایا
مرے ہاتھ کا پان کھایا تو ہوتا
وہ سنتا نہ سنتا ہوس تو نہ رہتی
مرا حال ہمدم سنایا تو ہوتا
مسی پر بھی داغوں کا ثمرہ نہ پایا
چراغ اک لحد پر جلایا تو ہوتا
گلا ہے مجھے تم سے مرغان گلشن
کبھی درد میرا بٹایا تو ہوتا
کبھی میرے جانب سے پرواز کرتے
کوئی حال پرسی کو آیا تو ہوتا
نہیں یہ بھی شکوہ نہ آئے نہ آئے
گلوں کو مرا غم سنایا تو ہوتا
در و بام کا بحرؔ خواہاں نہیں میں
مرے آشیانے میں سایا تو ہوتا
امداد علی بحر 
(884) ووٹ وصول ہوئے
Dam-e-marg Baalin Par Aaya To Hota In Urdu By Famous Poet Imdad Ali Bahr. Dam-e-marg Baalin Par Aaya To Hota is written by Imdad Ali Bahr. Enjoy reading Dam-e-marg Baalin Par Aaya To Hota Poem on Inspiration for Students, Youth, Girls and Boys by Imdad Ali Bahr. Free Dowlonad Dam-e-marg Baalin Par Aaya To Hota by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends