داغ بیعانہ حسن کا نہ ہوا
داغ بیعانہ حسن کا نہ ہوا
کھوٹے داموں معاملہ نہ ہوا
دل مکدر رہا صفا نہ ہوا
فیض آئینہ روؤں کا نہ ہوا
کچھ نہ کام آئے داغ کی بوٹی
قلب تانبا رہا تلا نہ ہوا
درد مندان خال کہتے ہیں
گولیاں کھائیں فائدہ نہ ہوا
دل خیالوں سے پائمال رہا
سبزۂ رہ گزر ہرا نہ ہوا
آئے فصل چمن کہ عید آئے
غنچے چٹکے کہ شادیانہ ہوا
ہر کسی زلف میں رہا الجھا
دام الفت سے دل رہا نہ ہوا
نہ کھٹکتے کسی کے آنکھوں میں
یہ غبار اپنا توتیا نہ ہوا
میرے آگے وہ بیٹھے غیر کے پاس
پاس میرا انہیں ذرا نہ ہوا
دل نے ایسے اٹھائے رنج و تعب
پھر محبت کا حوصلہ نہ ہوا
جب کسی کی نظر پڑے رخ پر
خال مشکیں سیاہ دانہ ہوا
دیکھی کیفیت بہار و خزاں
میں دو رنگی سے آشنا نہ ہوا
دل شگفتہ ہوا نہ پھولوں سے
کوئی کانٹا گرہ کشا نہ ہوا
گھر بنا کر یہاں یہ تنگ آیا
عقدۂ خاطر آشیانہ ہوا
رشک کا ہے مآل بے رنگی
سبزہ پس کر کبھی حنا نہ ہوا
بحرؔ دل سوچ کر اسے دینا
خود غرض آشنا ہوا نہ ہوا
امداد علی بحر 
(899) ووٹ وصول ہوئے
Dagh Baiana Husn Ka Na Hua In Urdu By Famous Poet Imdad Ali Bahr. Dagh Baiana Husn Ka Na Hua is written by Imdad Ali Bahr. Enjoy reading Dagh Baiana Husn Ka Na Hua Poem on Inspiration for Students, Youth, Girls and Boys by Imdad Ali Bahr. Free Dowlonad Dagh Baiana Husn Ka Na Hua by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends