چور صدموں سے ہو بعید نہیں
چور صدموں سے ہو بعید نہیں
آبگینہ ہے دل حدید نہیں
مے کشی کیا کرے بھلا زاہد
مغفرت کی اسے امید نہیں
چار سو ہے اندھیرا آنکھوں میں
چار دن سے جو اس کی دید نہیں
میرے آگے ملی وہ غیروں سے
ہے محرم مجھے یہ عید نہیں
قتل عالم ہے تیرے ابرو پر
کوئی تلوار سے شہید نہیں
اپنے دل سے مجھے ارادت ہے
میں کسی پیر کا مرید نہیں
دل کسی سے لگے تو کیا چھوٹے
کوئی اس قفل کی کلید نہیں
دیکھ لے مر کے سختیٔ سکرات
صدمۂ ہجر سے شدید نہیں
وصل جاناں ہے صیغۂ تہمت
کہ مجرد ہیں ہم مزید نہیں
عشق کیا درد ہے خداوندا
کوئی دارو دوا مفید نہیں
نحن اقرب دلیل ہے اے بحرؔ
یار نزدیک ہے بعید نہیں
امداد علی بحر 
(1154) ووٹ وصول ہوئے
Chur Sadmon Se Ho Baid Nahin In Urdu By Famous Poet Imdad Ali Bahr. Chur Sadmon Se Ho Baid Nahin is written by Imdad Ali Bahr. Enjoy reading Chur Sadmon Se Ho Baid Nahin Poem on Inspiration for Students, Youth, Girls and Boys by Imdad Ali Bahr. Free Dowlonad Chur Sadmon Se Ho Baid Nahin by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends