بتو خدا پہ نہ رکھو معاملہ دل کا
بتو خدا پہ نہ رکھو معاملہ دل کا
برا بھلا یہیں ہو جائے فیصلہ دل کا
بتوں سے ہے متعلق معاملہ دل کا
خدا ہے حشر میں بھی ہو جو فیصلہ دل کا
چلو بلا سے اگر ہے یہ آستین کا سانپ
بغل میں پال کے میں کیا کروں گلہ دل کا
خیال زلف میں سینے پہ سانپ لوٹتے ہیں
دہان مار کا چھالا ہے آبلہ دل کا
سنوں تمہاری کہ اپنی کہوں حقیقت حال
تمہیں ہے میری شکایت مجھے گلہ دل کا
خدا یہ نالہ و فریاد ساز وار کرے
کہ دل لگی ہے ہماری یہ مشغلہ دل کا
بھٹک کے کوئی گیا دیر کو کوئی کعبے
عجیب بھول بھلیاں ہے مرحلہ دل کا
میں عشق قد میں الف کھینچ کر ہوا ہوں فقیر
میں زلف یار سے رکھتا ہوں سلسلہ دل کا
کسی کے زلف نے برہم کیے ہیں ہوش و حواس
لٹا ہے شام کے رستے میں قافلہ دل کا
خزاں رسیدوں کو باغ و بہار سے کیا کام
نہ اب وہ جوش طبیعت نہ ولولہ دل کا
زمانہ اور ہے اوباشوں کا وقت نہیں
نہ وہ مزاج ہمارا نہ حوصلہ دل کا
یہ کس صنم کی محبت میں مرتبہ پایا
ہوا جو عرش خدا سے مقابلہ دل کا
کمال یار کے ہاتھوں جلا ہوں میں اے بحرؔ
ہتھیلی کا ہے پھپھولا یہ آبلہ دل کا
امداد علی بحر 
(880) ووٹ وصول ہوئے
Buto KHuda Pe Na Rakkho Moamla Dil Ka In Urdu By Famous Poet Imdad Ali Bahr. Buto KHuda Pe Na Rakkho Moamla Dil Ka is written by Imdad Ali Bahr. Enjoy reading Buto KHuda Pe Na Rakkho Moamla Dil Ka Poem on Inspiration for Students, Youth, Girls and Boys by Imdad Ali Bahr. Free Dowlonad Buto KHuda Pe Na Rakkho Moamla Dil Ka by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends