ایسی کوئل نہ پپیہے کی ہے پیاری آواز
ایسی کوئل نہ پپیہے کی ہے پیاری آواز
کیا بھلی لگتی ہے کانوں کو تمہاری آواز
جب مجھے تم نے پکارا یہ دعا دی میں نے
رہے مکے میں مدینے میں تمہاری آواز
آپ کے بول سنائے وہ ہمیں کیا قدرت
ایسی پیدا تو کرے کوئی ستاری آواز
سن کے بسمل ہوئے ہم نغمہ سرائی ان کی
نہیں معلوم چھری ہے کہ کٹاری آواز
بے سرے سامنے اس کے رہے تنبور و ستار
لا کے تاروں کے جواری نے سنواری آواز
اس طرح روئیے آنسو فقط آنکھوں سے بہیں
منہ سے نکلے نہ دم گریہ و زاری آواز
چٹکیوں میں نہ اڑا مجھ کو مغنی بتلا
ساز کے پردے میں کس کی ہے یہ پیاری آواز
ایسے نالے کیے ہم نے کہ گلا بیٹھ گیا
آئی آفت وہ گلے پر کہ سدھاری آواز
ناچ گانے میں وہ عالم ہے جو دیکھے وہ کہے
سربسر تم ہو پری شعلہ ہے ساری آواز
بحرؔ روئے ہو ضرور آج کسی کے لیے تم
سرخ سرخ آنکھیں بھی ہیں اور ہے بھاری آواز
امداد علی بحر 
(843) ووٹ وصول ہوئے
Aisi Koyal Na Papihe Ki Hai Pyari Aawaz In Urdu By Famous Poet Imdad Ali Bahr. Aisi Koyal Na Papihe Ki Hai Pyari Aawaz is written by Imdad Ali Bahr. Enjoy reading Aisi Koyal Na Papihe Ki Hai Pyari Aawaz Poem on Inspiration for Students, Youth, Girls and Boys by Imdad Ali Bahr. Free Dowlonad Aisi Koyal Na Papihe Ki Hai Pyari Aawaz by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends