آزردہ ہو گیا وہ خریدار بے سبب
آزردہ ہو گیا وہ خریدار بے سبب
دل بیچ کر ہوا میں گنہ گار بے سبب
میں نے تو اس سے آنکھ لڑائی نہیں کبھی
ابرو نے مجھ پہ کھینچی ہے تلوار بے سبب
میں نے بلائیں بھی نہیں لیں زلف یار کی
میں ہو گیا بلائے گرفتار بے سبب
بوسہ کبھی لیا نہیں گل سے عذار کا
کیوں دل کے آبلے میں چبھا خار بے سبب
کیوں اٹھ کھڑے ہوئے وہ بھلا میں نے کیا کہا
پہلو میں بیٹھ کر ہوئے بیزار بے سبب
پوچھے تو کوئی کیا مرے تقصیر کیا گناہ
کرتا ہے کیوں ستم وہ ستم گار بے سبب
اک رات بھی ہنسا نہیں اس شمع رو سے میں
آنسو مرے گلے کے ہوئے ہار بے سبب
کس دن دو چار نرگسی آنکھوں سے میں ہوا
اس عشق نے کیا مجھے بیمار بے سبب
جو ان کی بات ہے وہ لڑکپن کے ساتھ ہے
اقرار بے جہت ہے تو انکار بے سبب
پھاہا جگہ کی داغ کا شاید سرک گیا
یہ چشم تر نہیں ہے شرر بار بے سبب
دکھلا کی یہ بہار شگوفہ پھولائیں گے
اوڑھا نہیں دوشالۂ گلنار بے سبب
نکلے تھے مجھ پر آج وہ تلوار باندھ کر
رہ گیر کشتہ ہو گئے دو چار بے سبب
آمد نہیں کسی کی تو کیوں جاگتے ہو بحرؔ
رہتا ہے شب کو کوئی بھی بیدار بے سبب
امداد علی بحر 
(885) ووٹ وصول ہوئے
Aazurda Ho Gaya Wo KHaridar Be-sabab In Urdu By Famous Poet Imdad Ali Bahr. Aazurda Ho Gaya Wo KHaridar Be-sabab is written by Imdad Ali Bahr. Enjoy reading Aazurda Ho Gaya Wo KHaridar Be-sabab Poem on Inspiration for Students, Youth, Girls and Boys by Imdad Ali Bahr. Free Dowlonad Aazurda Ho Gaya Wo KHaridar Be-sabab by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends