آشنا کوئی باوفا نہ ملا
آشنا کوئی باوفا نہ ملا
کشتئ دل کا ناخدا نہ ملا
جائے مرہم نمک چھڑکنا تھا
زخم کھانے کا کچھ مزا نہ ملا
اس کے کوچے میں ایسے بھولے ہم
گھر کے جانے کا راستہ نہ ملا
دل دیا جس کو رنج ہے پایا
کوئی دل دار باوفا نہ ملا
زندگی تلخ ہو گئی اپنی
تجھ سے ملنے کا کچھ مزا نہ ملا
دیکھ لی ہم نے دوستی تیری
ہم سے اب آنکھ بے وفا نہ ملا
کچھ اجارہ نہیں بنے نہ بنے
کیا شکایت ہے دل ملا نہ ملا
آسماں پر دماغ یار رہا
کبھی جھک کر وہ مہ لقا نہ ملا
بوسۂ لب کی تم سے کیا امید
ایک بیڑا بھی پان کا نہ ملا
ڈھونڈھتی ہیں کنشت میں جا کر
شیخ کعبے میں تو خدا نہ ملا
ایک اک کو پلائے دو دو جام
درد بھی ہم کو ساقیا نہ ملا
نقل کب اصل کی مقابل ہے
اس کے چہرے سے آ بنا نہ ملا
نظر آئی جو وہ دہن تو کہوں
مجھ کو عنقا کا آشیانہ ملا
جن کو تکیہ تھا اپنی مسند پر
ان کو دیکھا کہ بوریا نہ ملا
بحرؔ نکلے تھے ڈھونڈھنے اس کو
ایسے کھوئے گئے پتا نہ ملا
امداد علی بحر 
(1226) ووٹ وصول ہوئے
Aashna Koi Ba-wafa Na Mila In Urdu By Famous Poet Imdad Ali Bahr. Aashna Koi Ba-wafa Na Mila is written by Imdad Ali Bahr. Enjoy reading Aashna Koi Ba-wafa Na Mila Poem on Inspiration for Students, Youth, Girls and Boys by Imdad Ali Bahr. Free Dowlonad Aashna Koi Ba-wafa Na Mila by Imdad Ali Bahr in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends