ہر ایک گام پہ صدیاں نثار کرتے ہوئے
ہر ایک گام پہ صدیاں نثار کرتے ہوئے
میں چل رہا تھا زمانے شمار کرتے ہوئے
یہی کھلا کہ مسافر نے خود کو پار کیا
تری تلاش کے صحرا کو پار کرتے ہوئے
میں رشک ریشۂ گل تھا بدل کے سنگ ہوا
بدن کو تیرے بدن کا حصار کرتے ہوئے
مجھے ضرور کنارے پکارتے ہوں گے
مگر میں سن نہیں پایا پکار کرتے ہوئے
میں اضطراب زمانہ سے بچ نکلتا ہوں
تمہارے قول کو دل کا قرار کرتے ہوئے
جہان خواب کی منزل کبھی نہیں آئی
زمانے چلتے رہے انتظار کرتے ہوئے
میں راہ سود و زیاں سے گزرتا جاتا ہوں
کبھی گریز کبھی اختیار کرتے ہوئے
نہیں گرا مری قاتل انا کا تاج محل
میں مر گیا ہوں خود اپنے پہ وار کرتے ہوئے
میں اور نیم دلی سے وفا کی راہ چلوں
میں اپنی جاں سے گزرتا ہوں پیار کرتے ہوئے
یقین چھوڑ کے نیر گماں پکڑتا رہا
نگاہ یار ترا اعتبار کرتے ہوئے
شہزاد نیر 
(615) ووٹ وصول ہوئے
In Urdu By Famous Poet Shahzad Nayar. is written by Shahzad Nayar. Enjoy reading Poem on Inspiration for Students, Youth, Girls and Boys by Shahzad Nayar. Free Dowlonad by Shahzad Nayar in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends