دل آرام
زمانے کے پاؤں میں زنجیر ڈالو
کہ یہ چھپکلی کی طرح رینگتا وقت
امیدوں کے شہ پر کو چھونے لگا ہے
اسے روک بھی دو
کہ یہ فیل پا اب ہمارے سبک جسم کو روند دے گا
ہمارے تخیل کے پر توڑ دے گا
یہ سیل رواں آرزو کے گھروندے کی بنیاد کو چاٹ لے گا
اگر دوڑتا وقت میری طرح
ایک مرکز پہ کچھ دیر ٹھہرا رہے
نیند کے دیوتا
آنکھ کی پتلیوں کے جھروکوں سے جھانکیں گے
اور آ بسیں گے
دلوں کی اجڑتی ہوئی بستیوں میں
یہ آنکھیں کہ جن کا لہو
رتجگے کی لگائی ہوئی آگ میں جل رہا ہے
انہیں سرد ہاتھوں کے مہکے ہوئے
لمس کی جستجو ہے
انہیں آرزو ہے
کہ کوئی دلآرام
خوابوں کے گجرے سجا کر کہے
''اے مرے سر پھرے
میں یہاں ہوں یہاں
کس لیے تو مجھے
وقت کی بے اماں وسعتوں میں کہیں
ڈھونڈھتا پھر رہا ہے''
شہزاد احمد 
(530) ووٹ وصول ہوئے
In Urdu By Famous Poet Shahzad Ahmad. is written by Shahzad Ahmad. Enjoy reading Poem on Inspiration for Students, Youth, Girls and Boys by Shahzad Ahmad. Free Dowlonad by Shahzad Ahmad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends