نہ بستیوں کو عزیز رکھیں نہ ہم بیاباں سے لو لگائیں
نہ بستیوں کو عزیز رکھیں نہ ہم بیاباں سے لو لگائیں
ملے جو آوارگی کی فرصت تو ساری دنیا میں خاک اڑائیں
ہو ایک گلشن خزاں رسیدہ تو کام آئے لہو ہمارا
تمام عالم میں تیرگی ہے کہاں کہاں مشعلیں جلائیں
اگرچہ یہ دل فریب رستہ بھی خار زاروں کی انجمن ہے
مگر مرا جی یہ چاہتا ہے کہ آبلے خود ہی پھوٹ جائیں
جہاں کی رنگینیوں کی ہم راز آنکھ پتھر بنی ہوئی ہے
یہ حال اب ہو گیا ہے دل کا نہ رو سکیں ہم نہ مسکرائیں
یہ دشت بے رہروؤں کی بستی یہ شہر زندانیوں کا مسکن
اگرچہ خلوت نشیں نہیں ہم مگر کہاں انجمن سجائیں
شگفتہ کلیوں کی دل کی دھڑکن اداس لمحوں میں سو گئی ہے
سکوت وہ چھا گیا کہ ہر سو بہار کرتی ہے سائیں سائیں
اگرچہ شہزادؔ وہ نگاہیں بھی ایک مدت سے منتظر ہیں
مگر جو خود سے چھپا رہے ہیں وہ زخم انہیں کس طرح دکھائیں
شہزاد احمد 
(505) ووٹ وصول ہوئے
In Urdu By Famous Poet Shahzad Ahmad. is written by Shahzad Ahmad. Enjoy reading Poem on Inspiration for Students, Youth, Girls and Boys by Shahzad Ahmad. Free Dowlonad by Shahzad Ahmad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends