عشق وحشی ہے جہاں دیکھے گا
عشق وحشی ہے جہاں دیکھے گا
حسن کو سینے سے لپٹا لے گا
غم اگر ساتھ نہ تیرا دے گا
پھر تجھے کوئی نہیں پوچھے گا
جاگ اٹھیں گی پرانی یادیں
تو مگر خواب گراں چاہے گا
دل میں طوفان اٹھیں گے لیکن
ایک پتا بھی نہیں لرزے گا
ہر طرف چھائے گی وہ خاموشی
اپنی آواز سے تو چونکے گا
انہی ٹھہرے ہوئے لمحوں کا خیال
دل سے طوفاں کی طرح گزرے گا
نہ بسیں گے یہ خرابے دل کے
کوئی مڑ کر نہ ادھر دیکھے گا
اے مرے حسن گریزاں کب تک
تو مری قدر نہ پہچانے گا
مجھے ذرہ نہ سمجھنے والے
تو ستاروں میں مجھے ڈھونڈے گا
مجھ سے کترا کے گزرنے والے
تو مری خاک کو بھی چومے گا
شہزاد احمد 
(393) ووٹ وصول ہوئے
In Urdu By Famous Poet Shahzad Ahmad. is written by Shahzad Ahmad. Enjoy reading Poem on Inspiration for Students, Youth, Girls and Boys by Shahzad Ahmad. Free Dowlonad by Shahzad Ahmad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends