اس دوشیزہ مٹی پر نقش کف پا کوئی بھی نہیں
اس دوشیزہ مٹی پر نقش کف پا کوئی بھی نہیں
جھڑتے پھول برستی بارش تیز ہوا کوئی بھی نہیں
یہ دیواریں اور دروازے سب آنکھوں کا دھوکا ہے
کہنے کو ہر باب کھلا ہے اور کھلا کوئی بھی نہیں
چہرے جانے پہچانے تھے روحیں بدلی بدلی تھیں
سب نے مجھ سے ہاتھ ملایا اور ملا کوئی بھی نہیں
ایک سے منظر دیکھ دیکھ کر آنکھیں دکھنے لگتی ہیں
اس رستے پر پیڑ بہت ہیں اور ہرا کوئی بھی نہیں
اڑتا بادل چہرے بنتا اور مٹاتا جاتا ہے
لاکھوں آنکھیں دیکھ رہی تھیں لیکن تھا کوئی بھی نہیں
جس کے بیچ گھرا بیٹھا ہوں ڈھیر ہے بیتے لمحوں کا
سب میری جانب آئے ہیں اور گیا کوئی بھی نہیں
جلتی مٹی سوکھے کانٹے گہرے پانی تیکھے سنگ
سب خطرے پاؤں کے نیچے سر پہ بلا کوئی بھی نہیں
حرف لکھوں تو پڑھنے والے کیا کیا نوحے سنتے ہیں
کان دھروں تو ان حرفوں میں صوت و صدا کوئی بھی نہیں
شہزاد احمد 
(465) ووٹ وصول ہوئے
In Urdu By Famous Poet Shahzad Ahmad. is written by Shahzad Ahmad. Enjoy reading Poem on Inspiration for Students, Youth, Girls and Boys by Shahzad Ahmad. Free Dowlonad by Shahzad Ahmad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends