دریا کبھی اک حال میں بہتا نہ رہے گا
دریا کبھی اک حال میں بہتا نہ رہے گا
رہ جاؤں گا میں اور کوئی مجھ سا نہ رہے گا
آسیب نظر آتے ہیں دن کو بھی یہاں پر
اس شہر میں اب کوئی اکیلا نہ رہے گا
اچھا ہے نہ دیکھیں گے نہ محسوس کریں گے
آنکھیں نہ رہیں گی تو تماشا نہ رہے گا
وہ خاک اڑے گی کہ نہ دیکھی نہ سنی ہو
دیوانہ تو کیا چیز ہے صحرا نہ رہے گا
یہ انجمن آرائی ہے اک رات کی مہمان
تا صبح کوئی دیکھنے والا نہ رہے گا
تو کچھ بھی ہو کب تک تجھے ہم یاد کریں گے
تا حشر تو یہ دل بھی دھڑکتا نہ رہے گا
کیا کیا نظر آتا تھا کہ موجود نہیں ہے
یہ سوچ کے روتا ہوں کہ کیا کیا نہ رہے گا
آخر مرے سینے کے بھی ناسور بھریں گے
یہ باغ سدا رنگ دکھاتا نہ رہے گا
ہوں ذرۂ ناچیز مجھے کل کی نہیں فکر
مشہور جو ہیں نام انہی کا نہ رہے گا
شہزادؔ بہت خوار کیا ہم سخنی نے
کچھ دن در و دیوار سے یارانہ رہے گا
شہزاد احمد 
(470) ووٹ وصول ہوئے
In Urdu By Famous Poet Shahzad Ahmad. is written by Shahzad Ahmad. Enjoy reading Poem on Inspiration for Students, Youth, Girls and Boys by Shahzad Ahmad. Free Dowlonad by Shahzad Ahmad in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends