میز پہ چہرا زلفیں کاغذ پر
میز پہ چہرا زلفیں کاغذ پر
دیکھ رہا ہے حیرت سے دفتر
چہرے پر شکوہ کرتی آنکھیں
آنکھوں میں آدھا خالی ساغر
گال پہ تین لکیریں آنسو کی
کانوں میں ہیرے کے دو کنکر
باتوں میں موسیقی جیسی تال
ساڑھے سات اور پندرہ کا چکر
اب تو گھر سے باہر جانے دو
چپک گیا ہے کھڑکی پر منظر
عریانی کی بات نہیں اس میں
پھولوں کو دامن کی کہاں خبر
افسانہ تو نہیں حیات مری
ایک غزل تھی جس کا پیر نہ سر
اس امید میں گھاس پہ لیٹا ہوں
کوئی ستارا دے گا تیری خبر
اپنے پاپ تو دھو ڈالے ہم نے
کیسے دھوئیں پانی کی چادر
خوابوں میں شطرنج کے چو خانے
بنا زور کے پیدل جائے کدھر
جب دیکھا کہ خیر نہیں ملنی
چھوڑ دیا امید نے میرا در
کار دنیا سے کیا پانا ہے
ریت بھری ہے مٹی کے اندر
کاٹا تو دونوں مر جائیں گے
جڑے ہوئے بچے ہیں خیر اور شر
شہنواز زیدی 
(541) ووٹ وصول ہوئے
In Urdu By Famous Poet Shahnawaz Zaidi. is written by Shahnawaz Zaidi. Enjoy reading Poem on Inspiration for Students, Youth, Girls and Boys by Shahnawaz Zaidi. Free Dowlonad by Shahnawaz Zaidi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends