کسی بنجر تخیل پر کسی بے آب رشتے میں
کسی بنجر تخیل پر کسی بے آب رشتے میں
ذرا ٹھہرے تو پتھر بن گئے احباب رستے میں
سرابوں کی گلی ہے یا ترے گاؤں کا کونا ہے
لگا ہے خاک پر شیشے کا اک تالاب رستے میں
ابھی کچھ دیر پہلے پاؤں کے نیچے نہ تھے بادل
ابھی پھیلا گئی ہیں تیری آنکھیں خواب رستے میں
مری تیاریاں میرے سفر میں ہو گئیں حائل
کبھی تعویذ بازو پر کبھی محراب رستے میں
سمندر اپنے مرکز میں کھنچا ہے میری آنکھوں کا
سو اب ممکن نہیں ہے روکنا سیلاب رستے میں
میں کافی دیر پہلے جس کو گھر میں چھوڑ آیا تھا
کھڑا ہے منہ پھلائے اب وہی مہتاب رستے میں
سفر آساں نہیں ہوتا کمر پہ لاد کر دنیا
چلے تو رفتہ رفتہ رہ گیا اسباب رستے میں
ہم ایسے راہ رو تھے کوئی بھی منزل نہ ہو جن کی
سفینے آرزو کے ہو گئے غرقاب رستے میں
شہنواز زیدی 
(575) ووٹ وصول ہوئے
In Urdu By Famous Poet Shahnawaz Zaidi. is written by Shahnawaz Zaidi. Enjoy reading Poem on Inspiration for Students, Youth, Girls and Boys by Shahnawaz Zaidi. Free Dowlonad by Shahnawaz Zaidi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends