دریچہ آئنہ پر کھل رہا ہے
دریچہ آئنہ پر کھل رہا ہے
مجھے اپنے سے باہر جھانکنا ہے
اکیلا ٹوٹی کشتی پر کھڑا ہوں
کنارا دور ہوتا جا رہا ہے
اسے پہچاننا آساں نہیں جو
ہوا کا رنگ پانی کا مزہ ہے
کہیں اندر ہی ٹوٹے ہوں گے الفاظ
ابھی تک تیرا لہجہ چبھ رہا ہے
وہ اپنے دوستوں کے درمیاں ہے
یا میرے دشمنوں میں گھر گیا ہے
کسی نے آئنہ پر ہونٹ رکھ کر
اچانک شوق کو بھڑکا دیا ہے
خدائے لم یزل تیرے لیے تو
جو ہونا تھا وہ گویا ہو چکا ہے
وہ کیسے آزمائے گا کسی کو
جو پہلے ہی سے سب کچھ جانتا ہے
شہنواز زیدی 
(529) ووٹ وصول ہوئے
In Urdu By Famous Poet Shahnawaz Zaidi. is written by Shahnawaz Zaidi. Enjoy reading Poem on Inspiration for Students, Youth, Girls and Boys by Shahnawaz Zaidi. Free Dowlonad by Shahnawaz Zaidi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends