جو مری پشت میں پیوست ہے اس تیر کو دیکھ
جو مری پشت میں پیوست ہے اس تیر کو دیکھ
کتنی خوش رنگ نظر آتی ہے تصویر کو دیکھ
رقص کرتا ہوا مقتل میں چلا آیا ہوں
پاؤں مت دیکھ مرے پاؤں کی زنجیر کو دیکھ
کوئی نیزہ مرے سینے میں علم ہوتا ہے
مری شہ رگ پہ چمکتی ہوئی شمشیر کو دیکھ
خود کو ایجاد میں کرتا ہوں نئے طرز پہ روز
اے مری جان کبھی تو مری تعمیر کو دیکھ
میری آنکھوں میں کسی خواب نے دم توڑ دیا
میری پلکوں سے الجھتی ہوئی تعبیر کو دیکھ
کیا ہے دنیا کے خرابات میں وحشت کے سوا
مجھ میں آباد مرے شہر اساطیر کو دیکھ
اتنی عجلت تھی کہ میں خود کو وہیں چھوڑ آیا
کون دیتا ہے صدا کوچۂ تاخیر کو دیکھ
مرے الفاظ کی دنیا کی کبھی سیر تو کر
ہم سے کچھ خاک نشینوں کی بھی جاگیر کو دیکھ
دیکھ شاہدؔ کو سمجھنا کوئی آسان نہیں
اتنا دشوار نہیں ہوں مری تحریر کو دیکھ
شاہد کمال 
(639) ووٹ وصول ہوئے
In Urdu By Famous Poet Shahid Kamal. is written by Shahid Kamal. Enjoy reading Poem on Inspiration for Students, Youth, Girls and Boys by Shahid Kamal. Free Dowlonad by Shahid Kamal in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends