ہم خرابے میں بسر کر گئے خاموشی سے
ہم خرابے میں بسر کر گئے خاموشی سے
حلقۂ موج میں گوہر گئے خاموشی سے
ساعت وصل قیامت کی گھڑی ٹھہری تھی
جسم خاموش تھے دل ڈر گئے خاموشی سے
آزمائش تھی کڑی کوئے وفا میں کہ جہاں
کج کلہ آئے سبک سر گئے خاموشی سے
ہم ترے ہجر میں آوارہ سخن ہو نکلے
زخم جو تو نے دیئے بھر گئے خاموشی سے
شکوہ سنج غم منزل تھے فقط ہم ورنہ
کارواں کتنے سفر کر گئے خاموشی سے
کوئے محبوب کی شمعوں کو خبر ہے کہ نہیں
سائے کس سمت برابر گئے خاموشی سے
دکھ کے سناٹے میں یاد آئیں گے تجھ کو ہم سے
جو ترے در پہ صدا کر گئے خاموشی سے
جانے زنداں کے در و بام کا انداز ہے کیا
نعرہ زن آئے جو اکثر گئے خاموشی سے
کچھ تو تھی لوح ازل باعث بربادیٔ دل
وار احباب بھی کچھ کر گئے خاموشی سے
کوئی منعم نہ ملا دل کا غنی یا قسمت
در بدر تیرے گداگر گئے خاموشی سے
شفقت تنویر مرزا 
(531) ووٹ وصول ہوئے
In Urdu By Famous Poet Shafqat Tanveer Mirza. is written by Shafqat Tanveer Mirza. Enjoy reading Poem on Inspiration for Students, Youth, Girls and Boys by Shafqat Tanveer Mirza. Free Dowlonad by Shafqat Tanveer Mirza in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends