گل خوش نما کے لباس میں کہ شعاع نور میں ڈھل کے آ
گل خوش نما کے لباس میں کہ شعاع نور میں ڈھل کے آ
تجھے ڈھونڈھ لے گی مری نظر تو ہزار رنگ بدل کے آ
ترے دل کی آگ حقیقتاً ترے حق میں فصل بہار ہے
جو بجھائے سے بھی نہ بجھ سکے اسی دل کی آگ میں جل کے آ
تری جستجو بھی حجاب ہے تری آرزو بھی حجاب ہے
کبھی دام عقل و شعور سے جو نکل سکے تو نکل کے آ
یہ ہے اہل ظرف کی انجمن یہ ہے اہل عشق کا مے کدہ
تو ہزار نشہ میں چور ہو جو یہاں پہ آ تو سنبھل کے آ
مہ و مہر میں بھی ہے دل کشی مگر اس کی بات ہے اور ہی
تجھے آرزوئے جمال ہے تو حریم ناز میں چل کے آ
یہ جنون عشق کی شان ہے تجھے لوگ کچھ بھی کہا کریں
جو عطائے کوئے حبیب ہے وہی خاک چہرہ پہ مل کے آ
اثر آفرین بہار ہے تری فکر شاعرؔ خوش نوا
جنہیں چھو سکے نہ خزاں کبھی وہی پھول لے کے غزل کے آ
شاعر فتح پوری 
(447) ووٹ وصول ہوئے
In Urdu By Famous Poet Shaer Fatahpuri. is written by Shaer Fatahpuri. Enjoy reading Poem on Inspiration for Students, Youth, Girls and Boys by Shaer Fatahpuri. Free Dowlonad by Shaer Fatahpuri in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends