نہایت انکساری عاجزی سے بات کرتے ہیں
نہایت انکساری عاجزی سے بات کرتے ہیں
ہم ان سے جب وہ ہم سے بے رخی سے بات کرتے ہیں
ہمارے ساتھ ہو تو مختصر سی بات ہوتی ہے
چلا کرتی ہے پہروں جب کسی سے بات کرتے ہیں
ہمیں کہتے ہیں دیکھو بھئی کسی سے بات مت کرنا
اور اس پر خود جو ملتا ہے اسی سے بات کرتے ہیں
تمہیں ہو ایک جن کو بات کرنے کا سلیقہ ہے
ہمیں ہیں ایک جو بے ہودگی سے بات کرتے ہیں
ہوئے جاتے ہو کیوں کپڑوں سے باہر غیر کی سن کر
ذرا بیٹھو تسلی دلجمعی سے بات کرتے ہیں
کسی سے بات کرتے ہیں کسی کی بات ہوتی ہے
ارے باوا تمہاری کب کسی سے بات کرتے ہیں
بڑھائے دوستی کا ہاتھ دشمن بھی تہ دل سے
لگا لیتے ہیں سینے سے خوشی سے بات کرتے ہیں
اکیلے تھے ترستے تھے کسی سے بات کرنے کو
تو ہم نے سوچا آؤ شادؔ ہی سے بات کرتے ہیں
شاد بلگوی 
(1367) ووٹ وصول ہوئے
In Urdu By Famous Poet Shad Bilgavi. is written by Shad Bilgavi. Enjoy reading Poem on Inspiration for Students, Youth, Girls and Boys by Shad Bilgavi. Free Dowlonad by Shad Bilgavi in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends