سامنے اک بے رحم حقیقت ننگی ہو کر ناچتی ہے
سامنے اک بے رحم حقیقت ننگی ہو کر ناچتی ہے
اس کی آنکھوں سے اب میری موت کی خواہش جھانکتی ہے
جسم کا جادو اس دنیا میں سر چڑھ کر جب بولتا ہے
روح مری شرمندہ ہو کر اپنا چہرہ ڈھانپتی ہے
اس کی جھولی میں سب کھوٹے سکے ڈالے جائیں گے
جانتی ہے یہ اندھی بھکارن پھر بھی دن بھر مانگتی ہے
میرا خون پیا تو اس کو تازہ لہو کی چاٹ لگی
اب وہ ناگن اپنی زباں سے اپنا لہو بھی چاٹتی ہے
اب کی بار اے بزدل قسمت کھل کر میرے سامنے آ
کیوں اک دھچکا روز لگا کر باقی کل پر ٹالتی ہے
ماضی کی تربت سے نکل آتی ہے کسی کی یاد کی لاش
میری سوچ مری دشمن ہے روز مصیبت ڈالتی ہے
صحرا کا بادل دو بوندیں برسا کر اڑ جاتا ہے
پیاسی بنجر بانجھ زمیں کچھ اور زیادہ ہانپتی ہے
اب تک سوئی ہوئی تھی وہ آسائش کے گہوارے میں
انگڑائی سی لے کر شبنمؔ آج انا کیوں جاگتی ہے
شبنم شکیل 
(751) ووٹ وصول ہوئے
In Urdu By Famous Poet Shabnam Shakeel. is written by Shabnam Shakeel. Enjoy reading Poem on Inspiration for Students, Youth, Girls and Boys by Shabnam Shakeel. Free Dowlonad by Shabnam Shakeel in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends