نظم
اگر تمہارے تین ہزار پیڑوں میں سے
ایک میں بھی ہوتی تو
ایک سال میں
چھ اسپرے ایک کھاد
اور تمہاری ہزاروں چاہت بھری نظریں
مجھے نصیب ہوتی اور تب
دل سوگوار نہ ہوتا
میری ہر ٹہنی
تم اپنے ہاتھوں تراشتے
میں سنور جاتی
ہوا مجھ میں سانس بھرتی
دھوپ اور بادل
میرے دل کی سرخ سچائیوں میں جھلمل کرتے
اور نہ جانے کتنے سرخ پھولوں سے
میں فروزاں رہتی
میری ذات کی کیاری سے
تمہاری ذات کے احاطے تک
تمازت اور خوشبو
شاداب پھول اور شاداب خار ہوتے
مگر میں
تمہارے احاطے سے باہر کا پیڑ تھی
خانہ بدوشوں کی بستی کا
وہ جنگلی پیڑ جس پر
آوارہ پرندے چہچہاتے ہیں
اور جس کی ہر ٹہنی
اپنے اندر
ایک خلا سمیٹے
آسمان کی وسعتوں میں
بھٹک رہی ہے
شبنم عشائی 
(491) ووٹ وصول ہوئے
In Urdu By Famous Poet Shabnam Ashai. is written by Shabnam Ashai. Enjoy reading Poem on Inspiration for Students, Youth, Girls and Boys by Shabnam Ashai. Free Dowlonad by Shabnam Ashai in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends