آ گیا ہے وقت اب بھگتو گے خمیازے بہت
آ گیا ہے وقت اب بھگتو گے خمیازے بہت
ہم فقیروں پر کسے تم نے بھی آوازے بہت
تم نے جو قصے کیے منسوب میری ذات سے
تھی حقیقت ان میں تھوڑی اور اندازے بہت
جن کو اپنی کامیابی کا بڑا پندار تھا
ہم نے دیکھے ہیں بکھرتے ان کے شیرازے بہت
گھٹ نہ جائے دم کہیں نفرت کے اس ماحول میں
کر لئے ہم نے مقفل دل کے دروازے بہت
شہر کے میلے میں یوں تو گل رخوں کی بھیڑ تھی
ان میں چہرے تھے مگر کم اور تھے غازے بہت
بس وہی ہوگا رضا کو تیری جو منظور ہے
کام آئیں گے نہ کمپیوٹر کے اندازے بہت
ہم نے ٹھکرائے نہ جانے کتنے آنکھوں کے پیام
مہ وشوں نے ہم پہ کھولے دل کے دروازے بہت
رفتہ رفتہ وقت کے مرہم سے بھر ہی جائیں گے
عشق نے جو زخم بخشے ہیں ابھی تازے بہت
ہم شریف انساں شبابؔ اس گھر میں نا محفوظ ہیں
اس میں دروازے تو کم ہیں چور دروازے بہت
شباب للت 
(740) ووٹ وصول ہوئے
In Urdu By Famous Poet Shabab Lalit. is written by Shabab Lalit. Enjoy reading Poem on Inspiration for Students, Youth, Girls and Boys by Shabab Lalit. Free Dowlonad by Shabab Lalit in PDF.
Sad Poetry in Urdu, 2 Lines Poetry in Urdu, Ahmad Faraz Poetry in Urdu, Sms Poetry in Urdu, Love Poetry in Urdu, Rahat Indori Poetry, Wasi Shah Poetry in Urdu, Faiz Ahmad Faiz Poetry, Anwar Masood Poetry Funny, Funnu Poetry in Urdu, Ghazal in Urdu, Romantic Poetry in Urdu, Poetry in Urdu for Friends